2 PETRUS 3:18

Sorg daarteen dat julle steeds toeneem in die genade en kennis van ons Here en Verlosser, Jesus Christus. Aan Hom behoort die heerlikheid, nou en tot in ewigheid! Amen. 

·         Ek wil vandag met julle gesels oor genade.

·         Genade is een van die moeilikste konsepte om te verstaan.

·         Sodra jy die konsep van genade verstaan moet jy leer hoe om dit in elke situasie te ontvang.

·         Genade is God se krag wat in jou omstandighede ingryp om te doen wat jy nie meer kan doen nie!

·         Jy neem toe in genade deur gedurig op God te vertrou en so Sy genade te ontvang in omstandighede wat vir jou moeilik of selfs onmoontlik lyk.

·         As jy met iets sukkel in jou lewe, vra jouself eerlik af of jy op God vertrou dat Sy genade in jou behoefte sal voorsien.

·         Besluit vandag om in God se genade te lewe! 

Gebed: Ons Vader is die hemel, dankie dat ek op U kan vertrou in elke situasie in my lewe. Dankie dat U genade genoeg is om vandag te help. Amen

Geniet jou Donderdag

Liefde in Koning Jesus

Eben & Mariette Enslin

www.ewoord.co.za

ebenenslin@gmail.com

Kliek op hierdie link om eWoord gratis te ontvang: http://www.mylistmanager.co.za/cgi-bin/uls/uls.cgi?ulsJoin=1162=9

Kontak Eben as jou besigheid hierdie daaglikse boodskap wil borg.