Beste Reader,
Daar is nie regtig kortpaaie om ryk te word nie. Al uitweg is om inisiatief te neem, geleenthede aan te gryp en hard te werk.
Ons het verlede maand gesien dat hefboomfinansiering so 'n geleentheid is. Deur geleende geld te gebruik om eiendom te koop en dit dan te verhuur, kan jy jou bates met iemand anders se geld te vergroot.
Nou gaan ons bietjie kyk hoe die Ontvanger van Inkomste jou help om geld te spaar terwyl jy rykdom bou.
Ingevolge Artikel 11 (a) van die Inkomstebelastingwet kan uitgawes wat aangegaan is en verliese wat gemaak word in die beoefening van 'n bedryf, van 'n mens se belasbare inkomste afgetrek word.
Onder die term bedryf, word elke professie,
besigheid, diens, beroep en ook die verhuring van eiendom, ingesluit.
As jy dalk sou besluit om eiendom te koop en te verhuur, kan die volgende uitgawes van jou belasbare inkomste afgetrek word. Hierdie uitgawes sluit in: - Verbandrente.
- Eiendomsbelasting.
- Water en ligte.
- Slytasie van meubels en kombuistoerusting as jy dit
voorsien.
- Gordyne en skilderye vorm deel van die meubels en is ook aftrekbaar.
Die kooptransaksie moet egter reg gestruktureer word sodat die Ontvanger die huurinkomste as 'n bedryf sien.
Gaan spreek eers jou finansiėle of belastingadviseur voordat jy finaal besluit dat jy eiendom wil koop en verhuur.
Is 1% Huur Per Maand Nie Te Hoog Nie? In die vorige nuusbrief het ek die stelling gemaak dat 'n huurinkomste van 1% per maand op beleggingseiendom aanbeveel word.
Onlangs ontvang ek toe 'n navraag van Prof. Jan Smit van Bloemfontein of die 1% per maand nie te hoog is
nie.
My antwoord is dat 1% die ideale syfer is, maar dat dit nie altyd bereikbaar is nie. As gevolg van hefboomfinansiering kan dit egter nog steeds die moeitewerd wees om beleggingseiendom teen .5% per maand te verhuur. Dit verhoog net die risiko. En 'n mens sal moet seker maak dat jou kontantvloei bybetalings tot die verbandpaaiement kan hanteer.
| 
