Op Nasionale vlak sou ‘n mens ons kollektiewe nuwejaarsvoornemens waarskynlik in een of meer van die volgende kategorieë val: Ekonomie, entrepreneurskap en geleenthede, staatsbestuur, opvoeding, gesondheid, veiligheid en sekuriteit, persoonlike vryheid en sosiale kapitaal. Aan die begin van 'n nuwe jaar, wonder 'n mens hoe ons op hierdie gebiede gevaar hetdie gebiede gevaar het.

Die Legatum Instituut, ‘n internasionale beleggingsgroep, gebruik presies hierdie kategorieë om die voorspoed van 110 lande jaarliks met mekaar te vergelyk. Verlede jaar het Suid-Afrika ‘n treurige 66ste plek ingeneem, nege plekke laer as Botswana en ná lande soos Colombië, die Fillipyne, Rusland en Morokko. Noorweë was eerste en Zimbabwe laaste.

Kom ons kyk hoe ons op elke afsonderlike

 gebied gevaar het.

Ekonomie (Die RSA was 77ste uit die 110 lande wat ondersoek is)

Volgens die verslag is ons inflasiekoers op 10% te hoog (sederdien het dit darem tot 3.5% gedaal) en die werkloosheidskoers is ‘n powere 23%. Wat laasgenoemde syfer betref, was ons een van die 20 lande wat die slegste gevaar het.

Dis dan nie vreemd dat ons in die groep van 25 lande val waar landsburgers nie voldoende voedsel en skuiling aan hulle gesinne kan verskaf nie. Tussen 2004 en 2008 het die Bruto Nasionale Produk slegs met 3.4% per jaar gegroei wat beteken die verbetering van die lewenstandaard vind maar uiters stadig plaas. Strenggesproke verbeter dit nie omdat ons inflasiekoers tand 3.5% is. 

Die navorsing het inderdaad aangetoon dat die meeste Suid – Afrikaners ontevrede met hulle lewenstandaard is. Wat hierdie veranderlike betref, neem ons die 87ste plek in.

Entrepreneurskap en geleenthede (43ste)

Suid-Afrikaners is oor die algemeen redelik optimisties oor die geleenthede vir entrepreneurs in die land al meet innoverende aktiwiteite betreklik laag. Die wil is blykbaar daar maar almal ken nie die weg nie.

Positief is dat die oprigtingskoste van besighede betreklik laag is. Aan die negatiewe kant is kommunikasienetwerke nie ondersteunend nie. Veral die bandwydte van internetverbindings is swak.

Die voordele van ekonomiese ontwikkeling word baie oneweredig oor verskillende sosio-ekonomiese groepe versprei. Die rykes word ryker en die armes armer. Met ‘n 89ste plek, rem hierdie veranderlike ons gemiddeld af. Dit staan nie in die verslag nie, maar myns insiens is negatiewe faktore ook burokratiese rompslomp, arbeitswette en hoë belasting.

Staatsbestuur (40ste)

Ten spyte van die ongunstige prentjie wat tot dusver geskilder is, word die landsbestuur gunstiger deur sy inwoners beoordeel as wat mens sou verwag van ‘n bevolking met ‘n lae indiensnemingsyfer en ‘n groot gaping tussen ryk en arm. Die pun wat landsburgers aan die staatsbestuur toeken, plaas hom op die veertigste plek – beter as die meeste van die 110 lande.

Opvoeding (78ste)

Hier neem Suid-Afrika ‘n powere sewe-en-tagtigste plek in. Daar is gemiddeld net een onderwyser vir 31 primêre leerlinge. Die gemiddelde skoolbywoning van Suid-Afrikaners is slegs 1,7 jaar en slegs 6 maande van tersiêre onderrig. Nogtans is 77% Suid-Afrikaners tevrede met die kwaliteit van onderrig. Wys die persepsie dat sake beter is as waarop die realiteit dui, dat daar ‘n algemene onkunde oor die waarde van opleiding en spesialiste is?

Gesondheid (88ste)

Gesondheid is nog ‘n gebied waar ons sleg vaar. Die koers van kindersterfte is 15% en gesondheids-aangepasde lewensverwagting is 44 jaar.  

Oor die algemeen voel Suid-Afrikaners nie gesond nie. In die ondersoek het meer as 25% gesê hulle het gesondheidsprobleme. Daarby is hulle stresvlakke baie hoog en die meeste is nie tevrede met die estetiese standaard van hulle fisiese omgewing nie.

Veiligheid en sekuriteit (97ste)

Die verslag verwys na die verregaande kriminele aktiwiteite in Suid-Afrika. Minder as 20% van Suid-Afrikaners voel veilig om in die nag alleen in hulle woonbuurte te loop. Dis die laagste persentasie van al die lande wat getoets is! Persoonlike veiligheid is laag. 15% van die respondente is die afgelope jaar aangerand en 30% se eiendom is gesteel.

Persoonlike vryheid (51ste)

As ‘n mens na die navorsing kyk, staan een aspek vir my uit. Met veiligheid en sekuriteit, die staat se plig, v

aar ons (97ste) die slegste. Daarteenoor word die hoogste plek, naamlik 40ste, aan staatsbestuur toegeken! Dit lyk asof korrupsie van staatslui en die groeiende gaping tussen ryk en arm niks tel by die evaluering van die staat nie. Voeg hierby lae indiensneming en dan lyk dit of ons met te min tevrede is.  Óf dat ons dinge maar gelate aanvaar.

‘n Ander denkraamwerk is nodig. Die administratiewe strukture wat die staat daarstel, behoort bo verdenking te wees én doeltreffend te funksioneer.

Bron: Legatum Institute, Prosperity Index,http://www.li.com/ProsperityIndex.aspx

Daar is ‘n silwer rand elke  donker wolk

As jy dink my poging met hierdie nuusbrief is om die jaar op ‘n negatiewe noot te begin, het ek die verkeerde persepsie geskep. Daar is beslis ‘n silwer rand om elke donker wolk en ek glo elke individu kan die silwer rand wees as hy sy volle potensiaal gebruik. 

Ek het ‘n ononderhandelbare geloof dat ‘n mens baie meer potensiaal het as wat jy dink. Ons moet nie vir die staat wag om ons doelwitte te bereik nie. Ons het geen beheer oor wat hulle doen en hoe hulle dit doen nie. Ons het wél beheer oor wat ons doen en hoe ons dit doen. 

Die staat sal nooit genoeg werkgeleenthede skep nie. Ons moet ons eie werk deur vaardigheidsontwikkeling, kreatiwiteit en deursettingsettingsvermoë skep. Elke individu is dit aan homself verskuldig om die beste uit hom of haarself te haal. Ons moet nie net ons tegniese vaardighede nie, maar ook ons emosionele intelligensie verhoog. Ons moet met die beste ter wêreld kompeteer. Ons kan, maar dit is nodig om jou denkraamwerk te verander. Hoé ‘n mens in jou omgewing optree, op geleenthede reageer, word deur jou denke bepaal. 

My Welvaart se tema vir die jaar is dat die oplossing vir sukses by elkeen van ons lê.  ‘n Mens moet nuwejaarsvoornemens hê, jou vaardighede verbeter, jou emosionele intelegensie verhoog, ‘n oog vir geleenthede ontwikkel, doelwitte bepaal en doeltreffend daarvoor beplan. 

Om al jou planne te implementeer, het 'n mens egter ook kundige advies nodig. Besoek ons webblad om die hulp van ‘n opgeleide en gelisensieërde finansiële beplanner nodig in jou area te kontak. 

WEN R100!

'n Gelukkige leser kan R100 wen deur te stem of nuwejaarsvoornemens vir hom of haar werk of nie.

Stuur gerus hierdie nuusbrief aan ‘n vriend deur die knoppie hieronder te druk

Forward Message